NITENAN KAWASANA PANGERAN

ngagelikna sora suling, jentreng kacapi aweuahan halimpu sorana samar-samar tijauhna lir angin ngahiliwir, bawa kolebat kilat ngajorelat atra mawa beja keur sakumna rahayat nu aya disakuliah jagat.
Ya Alloh robbul ijjati, gusti numaha suci pangeran nu murbeng alam, hampura abdi hampura taya daya teu upaya mun manteuna tos ngadawuh taya anu tiasa ngabantah hamo tiasa ingkah balilahan tina takdir gusti, qudrat nu maha sagalana...
Ya Alloh Pangeran abdi sembaheun abdi sadaya mung kagusti abdi sumujud sareung mung kagusti wungkul abdi taat oge patuh...*jeembe*

WILUJEUNG IDUL FITRI 1429 H

Allohu Akbar..Allohu Akbar Walillahilhamdu...

Kalayan nyebat jenengan Alloh anu Maha Welas tur nu Maha Asih, ageung kakawasaan manteuna moal aya anu tiasa nandingan, rek sumanding raga rek tandang sumanding diri estuning sanghyang dumampara Alloh Azjawajalla, sakumna makhluk nu kumelendang di ieu alam mung ukur nampi titipan hirup keur kahirupan duniawi sarta babakti keur nyuprih ridho Ilahi.
Taya daya tur Upaya lianti kagungan manteuna Alloh nu murbeng Alam, Gusti nu Maha suci, Pangeran nu Ngusik jeung malikeun sakumna makhluk nu aya, tikawit nungaririncik leutik dugika nungajunggiring tanding katara atrar narawangan jangkung tanding gunung, lega makprak sagara.

Takbir tur tahmid, nyarengan mangsa datangna fitrah manusa, nubalik kana kurungan ibarat mangsa gubrak kaalam dunya, ceurik ngagear buligir taya panghalang estuning kitu ayana, idul fitri keur sakumna umat muslimin jadi ciri oge tanggara masih dipiasih dipikanyaah ku Inyana Alloh Swt. :"WILUJEUNG BOBORAN SIYAM 1429 H" HAPUNTEUN ANU KASUHUN PANGAMPURA ANU KATEDA...JEMBAR MANAH SADAYANA TIKADANG WARGI SADAYA..

GUNUNG GUNTUR KADURUK CICIREN REK GANTI USUM

GUNUNG GUNTUR

Kacatur dina babasan sepuh kapungkur, katara dina rindat para jawara malah aya catetan nunyutat tina sababaraha sumber anu bisa dipercaya. mun yen Gunung Guntur geus tepung waktu nincak mangsana kahuruan maka jadi ciciren anu pasti, tanggara anu hamo misleuk sakeudeung deui baris ganti musim datang mangsana ngijih hujan ngecrek, najan saacanna mentrang mentreng panas poe lantaran halodo panjang geus biasa cenah etamah.
cikeneh malah asa can lila Gunung Guntur anu mashur dataran gersang anu katara jauh tianggangan nyeples siga runggunuk gunung anu taya pisan tatangkalan hejo ngeplok malah katingal samar-samar bet jiga lautan runtah anu lantaran sakabeh tatangkalan renghek tutung urut kaduruk jugut gambrung perang kacida semu beureum mun katara pas sariak layung matak waas anu ningal matak aheng anu nitenan kana kaayaan eta gunung...guntur geus kaduruk, tatangkalan oge renghek batu taringgul ngagunduk bangun nu angkuh tayadeui sasatoan anu katara lantaran panas kacida, sumber cai boro boro katara ayana malah nubiasa aya oge kiwarimah saat kacida tinggal sirtu alias pasir batu...iraha hujanna bakal turun wallohu alam ngan cenah moal lila deui da geus kahuruan gunungna...

WILUJEUNG SUMPING SASIH SIAM

MARHABAN YA RAMADHAN

Nirilikna wanci, indit gunta ganti teukarasa bulan sirna, minggu datang paganti minggu, poe hade unggal waktu nangtu lumaku lengit senen datang salasa, rebo kemis jeung jumaah, saptu minggu cindek tujuh poe jejeg panceg nandakeun waktu terus lumaku mangsa teras lumampah ngengklakan jaman keursakumna manusa nu kumelendang di ieu alam pawayangan.
meletek panon poe gaganti sariak layung anu mangkukna hibar dibelah kulon, fajar tandang tiwetan nyerelek jajap sarangenge tanding mumunggang gunungrek balik deui ngajemput sariak layung..
Mangsa datangna bulan geus pasti pasini jangji maol ingkar subaya kersana Alloh sang hyang dumampara... Bulan suci bulan keur mersihkeun diri manusa, kiwari geus aya diantara hirup hurip jalma rea anu aya dijagat raya...
Sataun nganti lilana, cunduk kana waktu ningga kana mangsa Romadhon datang tumiba nyinghareup anteub sangkan manusa galumbira...
Wilujeung ngamalkeun amalan sampurna salami sasih Romadhon anu pinuh ku berkah oge hidayah !!

ASFAHANY'S ROOM: RAWAYAN WARISAN KISUNDA

ASFAHANY'S ROOM: RAWAYAN WARISAN KISUNDA

GNUNG HARUMAN GARUT

Endahna Punclut haruman

Mun paring ngaliwat kabeulah wetaneun leles jeung leuwigoong, keur urang Garut geus moal bireuk deuni saupamana pareung nyaksian runggunukna puncak gunung Haruman anu asup kawewengkon kecamatan Cibiuk.
Endahna gunung Haruman, katara lantaran natrat katara komo lamun usum halodo kaayaan cangra panon poe numoncorong tibeulah wetan bangun anu ngahan akeun hayang nembongkeun kaendahan eta gunung anu aya sakuloneun nana.
Gunung Haruman kaasup gunung anu ngajengleng endah misah tina deretan tigunung anu liana, matak katara jelas pisan saupama urang geus aya diwewengkon cibiuk atawa leuwigoong.
Mun pareng kadang wargi sadaya ngaliwat dataran eta maka bakal eces natrat kacida ningal pamandangan nu estuning sampurna endah taya cedana.
Jung bisi pirajeunan rek ngajugjug tinggal tandang naek angkutan kota mun ti Garut rea kendaraan nu bisa mawa nepi kaanjog kahandapeun eta gunung. Ngan wayahna lamu hayang anjog nepika suku gunung kudu naek deui ojeg anu jarakna kurang leuwih lima kilo meter tipuser dayeuh kecamatan cibiuk.@bah

RAWAYAN WARISAN KISUNDA

SASAK RAWAYAN
Sasak rawayan, sasak bubuhun ki sunda nu aya diunggal lolongkrang oge ditiap-tiap lembur matuh banjar karang pamidangan tempat nganjrek jeung cicingna sakumna jalma anu aya ditatar pasundan malah disakumna belahan dunya ngan nungabedakeun namah sebutan jeung istilahna wungkul.
Nyasak dina sasak rawayan karasa ngenahna saupama leumpang keupat dina wayah sore ngagayuh ka sareupna, biasana dipirig kusora jangkrik, diengklakan cangkurileung jeung tongeret raeng ngengkreng.
Saupama geus rek adeuk kapilemburan sora adzan ageum ngagema aweuah sorana matak nyeredet kana hate, sumeblak kana sukma keur sakumna jalma anu iman jeung taqwa ka Alloh SWT. *funy*